Идеи за осветлување на детски соби

Собите на нашите најмали најчесто изгледаат и најразиграно. За нивната соба да биде најпријатната и најкреативната во вашиот дом, можете да примените некое од овие решенија:

ХАРТИЕНИ ЛУСТЕРИ

Со вистинскиот лустер можете да постигнете визуелна поделба на просторот, особено кога се работи за заедничка соба со двајца цимери. Овие хартиени лустери се едноставни, евтини, со различни форми и бои и можат да се пронајдат насекаде. Целта овде е да изгледа како секое од децата да има засебен простор во собата, иако можеби во реалноста тоа и не е така.

НОЌНИ СВЕТИЛКИ

Овој тип на светилки најчесто се користат во присуство на мали деца за да им помогнат полесно да заспијат. Можат да се најдат во најразлични форми и бои.

СЕ ОСВЕН ПОДНИ СВЕТИЛКИ

Тие се паметно решение за да се избегнат повреди на малите деца кои можат да ги добијат доколку во нивната соба има подна лампа.

СТОЛНА ЛАМПА

Порано или подоцна, на вашето дете ќе му биде потребна една столна лампа над неговото биро каде ќе може, ако ништо друго, да ги извршува училишните задачи. Бидејќи тука е најбитно да биде корисна, гледајте да одберете некоја која е флексибилна, со широка и стабилна основа.

ЕДИНЕЧНИ ВИСЕЧКИ ЛАМПИ

Големината на детските соби варира од дом во дом, меѓутоа независно од неа, секогаш е интересно да се постават единечни инсталации. Доколку се работи за мала соба, работата може да ја заврши само една светилка, а доколку се работи за поголема соба, интересен ефект се добива доколку 2-3 единечни висечки светилки се распоредат низ таванот. На овој начин собата е секогаш совршено оссветлена, а и разиграна.

#дизајн #ламба #детскасоба